ყოფილ პოსტსაბჭოთა სივრცეში დაზღვევის სისტემის განვითარება შეიძლება დაიყოს სამ ეტაპად: საბჭოთა ხელისუფლების დამყარებამდე, სტრუქტურაში შესვლის და ამ სისტემის დაშლის შემდეგ. აზერბაიჯანის რუსეთის იმპერიაში შესვლის პერიოდში, სადაზღვევო კომპანიების წარმომადგენლობები და რუსეთის, გერმანიის, ინგლისისა და სხვა სახელმწიფოების პარტნიორები დიდი წარმატებით მუშაობდნენ აზერბაიჯანის ტერიტორიაზე ნავთობის მოსაზიდად. თუმცა, მრავალი წლის გასვლისა და მოსახლეობის თაობათა ცვლილების, აგრეთვე წინა სოციალურ-ეკონომიკური სისტემების ნგრევის გამო, სადაზღვევო ბიზნესის ორგანიზების გამოცდილება არამხოლოდ აზერბაიჯანში, არამედ მთელ პოსტ-საბჭოთა სივრცეში, ძირითადად  დაიკარგა. ახალ ეკონომიკურ და პოლიტიკურ პირობებში, ეს ქვეყნები, ნებაყოფლობით თუ უნებლიეთ, მონაწილეობენ საბაზრო ურთიერთობების სისტემაში, თუმცა, ვერ ეგუებიან ცხოვრების ახალ რეალობებს. ამ მიზეზით, ისინი, შეძლებისდაგვარად, ხშირად იყენებენ ქურდების და კოვბოის მენეჯმენტისა და მართვის სისტემების „მეთოდებს“, წყვეტენ საკუთარ სოციალურ-ეკონომიკურ და ფინანსურ პრობლემებს. შესაბამისად, უდავოდ გასათვალისწინებელია, რომ ეფექტიანი დაზღვევის სისტემის ფორმირება დღეისათვის, ალბათ, უმნიშვნელოვანესი და უახლესი პრობლემაა.    

სადაზღვევო მარკეტინგი გულისხმობს სადაზღვევო ბაზრის არსებობას, სადაც, როგორც სადაზღვევო შესატანის გადამხდელი პირი, ასევე სადაზღვევო კომპანიები და საბაზრო ურთიერთობების სხვა სუბიექტები წარმოუდგენლად განიცდიან გარემოში გაურკვევლობებს, ასევე მწვავე კონკურენციასა და ხშირად უსაგნო კამათს. ფაქტია, რომ აზერბაიჯანში, სომხეთში, საქართველოსა და სხვა ზოგიერთ ქვეყნებში სადაზღვევო ბაზარი მცირეა, რომელიც არის ტერიტორიულად, ანუ სივრცით შეზღუდული გარკვეულწილად დაბალი მნიშვნელობის მრავალი პოლიტიკური, ეკონომიკური, სოციალური და სხვა ობიექტური და სუბიექტური პრობლემების არსებობის გამო. მაგალითად, აზერბაიჯანის რესპუბლიკაში, ბოლო ოფიციალური მონაცემების თანახმად, 2018 წლის დასაწყისში 24 სადაზღვევო ორგანიზაცია ფუნქციონირებდა. მათგან მხოლოდ ყველაზე პრესტიჟული იყო ის, რომელიც მაღალი წრეების არასამართლიანი მხარდაჭერით, მათ შორის –  სავალდებულო სადაზღვევო შენატანების პრიორიტეტული უფლებით სარგებლობდა. მსგავსი ვითარება შეიმჩნევა თითქმის მთელ პოსტსაბჭოთა სივრცეში, მიუხედავად იმისა, რომ თანამედროვე სოციალური კონცეფცია სოციალური და ეთიკური მარკეტინგისთვის მოითხოვს სადაზღვევო ბაზარზე ყველა დამზღვევისა და სადაზღვევო კომპანიისათვის, მეტ–ნაკლებად  თანაბარი შესაძლებლობების შექმნას.  

საკვანძო სიტყვები: სადაზღვევო მარკეტინგი, სადაზღვევო ბაზარი, სადაზღვევო კომპანია, სადაზღვევო ბიზნესი.

JEL Codes: G20, G22, G28